უკრაინის დედაქალაქ კიევის პეჩორის სასამართლომ ექს-პრემიერს იულია ტიმოშენკოს კამათისთვის მოსამზადებლად დრო 27 სექტემბრის 15:00 საათამდე მისცა.
აღნიშნული გადაწყვეტილება სასამართლომ მას შემდეგ მიიღო, რაც ტიმოშენკომ სასამართლო სხდომაზე განაცხადა, რომ მას კამათისთვის მოსაზადებლად ცოტა დრო მისცეს.
„მე ვაცხადებ, რომ დრო იყო უკიდურესად მცირე. მცირე დრო რათა ,მომზადებულიყო დაცვის კონცეფცია და სტრატეგია. მაგრამ როგორც შეგვეძლება თავის დაცვას, ჩვენ თავს დავიცავთ", - განაცხადა ტიმოშენკომ.
ვადის გადაწევაზე სასამართლოს თანხმობის შემდეგ ექს-პრემიერმა განაცხადა, რომ ეს უკავშირდება არა სასამართალოს კეთილ ნებას, არამედ ბრალდების უსუსურობას.
„ეს ადასტურებს რომ საქმე ირღვევა", - აღნიშნა ტიმოშენკომ.
შეგახსენებთ, რომ ექს-პრემიერს ბრალი ედება 2009 წელს რუსეთთან გაზის მიწოდების კონტრაქტის გაფორმებისას უფლებამოსილების გადამატებაში.
