ცესკოს თავმჯდომარე ზურაბ ხარატიშვილი უკრაინის ცენტრალურ საარჩევნო კომისიას ეწვია, სადაც შეხვედრები გამართა უკრაინელ კოლეგასთან ვოლოდიმირ შაპოვალთან და კომისიის წევრებთან. ვიზიტი 1-5 სექტემბერს შედგა.
შეხვედრებზე მომავალი ურთიერთთანამშრომლობის საკითხები და არსებული წარმატებული გამოცდილებები განიხილეს.
5-6 სექტემბერს კი ცესკოს თავმჯდომარე კიშინიოვში დაგეგმილ საერთაშორისო კონფერენციას დაესწრო, რომელიც ევროპის საბჭოს ორგანიზებით და ევროკავშირის დაფინანსებით გაიმართა. კონფერენციაზე, სადაც ამომრჩეველთა ცნობიერების ამაღლების გზებს განიხილავდნენ, თითოეულმა მონაწილემ აღნიშნული მიმართულებით საკუთარი გამოცდილება წარმოადგინა. მოგვიანებით კი ამომრჩეველთა განათლების სხვადასხვა სპეციფიური სფეროები განიხილეს, მათ შორის: არჩევნებში მონაწილეობა კონფლიქტურ რეგიონებში, შეზღუდული შესაძლებლობების მქონე მოსახლეობის საარჩევნო პროცესებში ჩართულობა, ტრენინგ ცენტრების არსებობის საჭიროება, სახელმძღვანელოების საჭიროება ამომრჩევლებისთვის და ა.შ.
