ევროკავშირის რამდენიმე ქვეყანა - საფრანგეთი, გერმანია, იტალია, პოლონეთი და ესპანეთი ევროკავშირის მუდმივმოქმედი სამხედრო შტაბის ჩამოყალიბების ინიციატივით გამოდის.
აღნიშნულმა ქვეყნებმა ერთობლივი წერილი შეიმუშავეს, რომელიც ევროკავშირის საგარეო ურთიერთობათა უმაღლეს კომისარ კეტრინ ეშტონს გაუგზავნეს. ისინი ეშტონს სთხოვენ, გადახედოს, რა საშუალებები არსებობს გარკვეული შეთანხმებისთვის, რომელიც საშუალებას მისცემს ცხრა ან მეტ წევრ სახელმწიფოს, განაგრძოს იდეის ჩამოყალიბება ევროკავშირის სხვა წევრების გარეშე.
აღნიშნული ინიციატივის წინააღმდეგია დიდი ბრიტანეთი. სამხედრო შტაბის ჩამოყალიბება ევროკავშირის არმიის ჩამოყალიბებას გულისხმობს.
"ევროკავშირი არ ეთანხმება სამხედრო შტაბის ჩამოყალიბებას და არ დაეთახნმება არასდროს. ეს არის წითელი ხაზი", - განაცხადა ბრიტანეთის საგარეო საქმეთა მინისტრმა უილიამ ჰაგუემ.
