დიდი ბრიტანეთის პრემიერ-მინისტრი დევიდ კემერონი დღეს რუსეთში ოფიციალურ ვიზიტს დაიწყებს. როგორც BBC იუწყება, ბრიტანეთის ყოფილი საგარეო საქმეთა მინისტრები კემერონს მოუწოდებენ, რომ რუსეთის პრეზიდენტ დიმიტრი მედვედევთან შეხვედრისას რიგი საკითხების მიმართ მკაცრი პოზიცია დააფიქსიროს. ყოფილი მინისტრები დევიდ მილიბენდი, მალკოლმ რიფკინდი, ჯეკ სტროუ და მარგარეტა ბეკეტი მილიბენდს მოუწოდებენ, რომ მედვედევთან შეხვედრისას დასვას კითხვები ლიტვინენკოს მკვლელობაზე, მაგნიტსკის დაღუპვაზე, მიხეილ ხადარკოვსკოს დაკავებასა და რუსეთის ხელისუფლების მიერ ბიზნესის დევნის ფაქტებზე.
დევიდ კემერონის ვიზიტი რუსეთში 2006 წლის შემდეგ პირველი იქნება. დიდი ბრიტანეთის პრემიერებიდან რუსეთს ბოლოს 2006 წელს ტონი ბლერი სტუმრობდა. კემერონი შეხვედრებს გამართავს მედვედევთან და პრემიერ ვლადიმერ პუტინთან. მისი ვიზიტი ხვალ, 12 სექტემბერს დასრულდება.
