2011 წლის 7-8 სექტემბერს, აშშ-ს სახელმწიფო დეპარტამენტის ბირთვული კონტრაბანდის საფრთხის შესახებ საზოგადოების ინფორმირების საინიციატივო პროგრამის (NSOI) ფარგლებში თბილისში გაიმართა საერთაშორისო კონფერენცია, სადაც განხილული იქნა მიღწევები, რომელსაც ადგილი ჰქონდა "საქართველოსა და აშშ დელეგაციებს შორის ბირთვული კონტრაბანდის წინააღმდეგ ბრძოლისათვის საქართველოს შესაძლებლობების გაუმჯობესების შესახებ გაფორმებულ ერთობლივ დოკუმენტსა" და მის დანართში მოყვანილი ღონისძიებების განხორციელების საქმეში. კონფერენცია, ასევე, მიზნად ისახავდა აშშ-სა და სხვა საერთაშორისო დახმარებების კოორდინირებას და რამდენიმე პრიორიტეტული პროექტის დასაფინანსებლად საჭირო დამატებითი თანხების მოძიებას. აშშ-ის ელჩის მოადგილემ ბრიჯიტ ბრინკმა თავის გამოსვლაში აღნიშნა, რომ საქართველოს სტრატეგიულ მდებარეობა რუსეთს, ცენტრალურ აზიას, ახლო აღმოსავლეთსა და ევროპას შორის და ქვეყანაში განხორციელებული რეფორმები მნიშვნელოვან პარტნიორად წარმოაჩენს საქართველოს აღნიშნული მიზნის მიღწევის საქმეში, რაც ასევე აისახა საქართველოს მონაწილეობაში 2010 წელს ვაშინგტონში გამართულ ბირთვული უსაფრთხოების სამიტში.

კონფერენციაში მონაწილობა მიიღო ოცდაათმა წარმომადგენელმა საქართველოს შვიდი სხვადასხვა სამინისტროდან, ცხრა პოტენციური დონორი ორგანიზაციიდან და რამდენიმე ამერიკული სააგენტოდან. მონაწილეთა შორის იყვნენ წარმომადგენლებიEევროგაერთიანებიდან, საერთაშორისო ატომური ენერგიის სააგენტოდან, შვედეთიდან, დიდი ბრიტანეთიდან, ამერიკის ბირთვული რეგულირების კომისიიდან, ამერიკის ენერგეტიკის დეპარტამენტიდან, ამერიკის შინაგან საქმეთა და უსაფრთხოების დეპარტამენტიდან. ქართულმა დელეგაციამ კონფერენციას მოახსენა იმ სერიოზული წარმატებების შესახებ, რაც გულისხმობს ერთობლივ დოკუმენტსა და მის დანართში მოყვანილი 65 სამოქმედო პუნქტის თითქმის 97%-ის განხორციელებას.