Batumi Raptor Count-ის ფარგლებში, მოხალისეები ფრინველთა გადაფრენას აკვირდებიან.
აჭარის ტურიზმისა და კურორტების დეპარტამენტში ბერდვოჩინგის განვითარებასთან დაკავშირებით პრეზენტაცია გაიმართა. კემბრიჯის უნივერსიტეტის მხარდაჭერით აჭარას სტუმრობენ მოხალისეები, რომლებიც ფრინველთა გადაფრენას აკვირდებიან. ისინი ჩამოსულები არიან კვლევითი და დაცვის პროექტის Batumi Raptor Count-ის ფარგლებში, რომელიც ხორციელდება მსოფლიოში მტაცებელ ფრინველთა გადაფრენის შესწავლის მიზნით.
აღსანიშნავია, რომ საქართველო მსოფლიოში ფრინველთა გადაფრენის ერთ-ერთი ყველაზე ვიწრო და მრავალრიცხოვანი დერეფანია, სადაც ყოველწლიურად 800 000-ზე მეტი გადამფრენი მტაცებელი ფრინველი აღირიცხება. პრეზენტაციაზე აღინიშნა, რომ ეკოტურიზმის ერთ-ერთი სფეროს ბერდვოჩინგის განვითარება მნიშვნელოვან როლს ითამაშებს ფრინველთა დაცვის საკითხებში.
