საქართველოს პრეზიდენტი მიხეილ სააკაშვილი, საქართველოს პრემიერ-მინისტრ ნიკა გილაურთან და ენერგეტიკისა და ბუნებრივი რესურსების მინისტრ ალექსანდრე ხეთაგურთან ერთად სამცხე-ჯავახეთს ეწვია და ფარავანჰესის მშენებლობა დაათვალიერა.
პრემიერ-მინისტრმა პრეზიდენტს 2011-12 წლების განმავლობაში დაგეგმილი სამუშაოების მიმდინარეობა გააცნო და აღნიშნა, რომ სადგური ექსპლოატაციაში 2013 წლის დამლევს გაეშვება.
მდინარე ფარავანზე ჰიდროელექტროსადგურის ფარავანჰესის მშენებლობა კომპანია "ჯორჯიან ურბან ენერჯი"-მ 2009 წელს დაიწყო და განსახორციელებელი ინვესტიცია 125 მილიონ აშშ დოლარს შეადგენს.
ჰესის დადგმული სიმძლავრე 78 მეგავატია, ხოლო წლიური გამომუშავება - 425 მილიონი კილოვატსაათი.