თელავის რაიონის სოფელ კურდღელაურს ტურები შეესივნენ. მტაცებლებმა ადგილობრივ მაცხოვრებლებს შინაური ფრინველი შეუჭამეს. მოსახლეობა მონადირეთა ჯგუფის შექმნას და ნადირის ლიკვიდაციას ითხოვს.
„რამდენიმე თვეა ტურები შინაურ ფრინველებს თავს ესხმიან და გვიჭამენ. ქათამი შიშით ეზოში ვეღარ გაგვიშვია, განსაკუთრებით კი საღამოობით ესხმიან თავს. ჩვენც შეშინებულები ვართ, ტურები სოფელში დადიან და საღამოს გარეთ გამოსვლის გვეშინია. მოვითხოვთ, რომ მონადირეთა ჯგუფი შეიქმნას და ტურები დახოცონ", - განუცხადა კახეთის საინფორმაციო ცენტრს დაზარალებულმა ზიზი ჩუბინიშვილმა.
სოფელ კურდღელაურის ტერიტორიული ორგანოს რწმუნებულის ელდარ გიგიტელაშვილის თქმით, მუნიციპალიტეტის გამგეობას საქმის კურსში ჩააყენებს და პრევენციულ ზომებს გატარებენ.
