ლიბერთი ბანკი საერთაშორისო ფულადი გზავნილების მუდმივ მომხმარებელს ახალ აქციას სთავაზობს, რომელიც 2011 წლის 31 აგვისტოდან შევიდა ძალაში.
აქციის ფარგლებში კლიენტებს, რომლებიც სისტემატიურად იღებენ თანხას ფულადი გზავნილების სისტემის მეშვეობით ლიბერთი ბანკის სერვის ცენტრებში, მათ შორის ლიბერთი ექსპრესის მობილურ სერვის ცენტრებში საჩუქრად გადაეცემათ მულტისავალუტო ლიბერთი ანგარიშის საბაზისო პაკეტი და ასევე MAGIC CARD-ი 500-ლარიანი საკრედიტო ლიმიტით.
ლიბერთი ბანკი საქართველოს ბაზარზე ლიდერია საერთაშორისო ფულადი გზავნილების მომსახურების სფეროში. ჩვენს ქსელში ჩართულია 20 წამყვანი საერთაშორისო ოპერატორი, რაც საშუალებას გვაძლევს მომხმარებელს შევთავაზოთ მაღალი ხარისხის მომსახურება მთელი მსოფლიოს მასშტაბით.