უცხოურ ბაზრებზე ტექნიკური ბარიერების დაძლევისათვის, საქართველოს მთავრობა ქვეყანაში წარმოებული პროდუქციისა და მომსახურების კონკურენტუნარიანობის ზრდას გეგმავს, რისთვისაც ხარისხის ეროვნული ინფრასტრუქტურის განვითარება და მისი საერთაშორისოდ აღიარებულ ნორმებთან ეტაპობრივი დაახლოება უნდა განხორციელდეს.
2012-2015 წლებში ეკონომიკისა და მდგრადი განვითარების სამინისტრო აღნიშნული მიზნის მისაღწევად რამდენიმე ღონისძიების გატარებას გეგმავს, მათ შორის უახლოესი 3 წლის განმავლობაში მოხდება საგარეო სავაჭრო ბრუნვისა და სავაჭრო პარტნიორ ქვეყნებთან ურთიერთობების რეგულარული ანალიზი, საგარეო სავაჭრო ბრუნვის სტრუქტურული გაუმჯობესებისა და სავაჭრო რეჟიმების განვითარებისთვის რეკომენდაციების შემუშავების მიზნით; იმავდროულად დაგეგმილია, ორმხრივი რეგიონალური და მრავალმხრივი სავაჭრო ურთიერთობების, ასევე პრეფერენციული რეჟიმების განვითარება და სახელმწიფო ეტალონების მიკვლევადობის უზრუნველყოფა საერთაშორისო დონეზე; როგორც დოკუმენტ
"ქვეყნისQძირითადი მონაცემები და მიმართულებები 2012-2015 წლებისათვის" (BDD) პირველად ვარიანტშია აღნიშნული, უახლოესი 3 წლის განმავლობაში მოხდება ქვეყნისათვის პრიორიტეტულ სფეროებში ეტალონური ლაბორატორიების აღჭურვა, საერთაშორისო მოთხოვნების შესაბამისი ხარისხის მენეჯმენტის სისტემების დანერგვა და საერთაშორისო დონეზე აღიარების მიღწევა; დოკუმენტში ასევე აღნიშნულია, რომ განხორციელდება საქართველოს სტანდარტების, ტექნიკური რეგლამენტების და მეტროლოგიის ეროვნული სააგენტოს და საქართველოს აკრედიტაციის ეროვნული ორგანოს _ აკრედიტაციის ცენტრის შემდგომი ინტეგრაცია შესაბამის საერთაშორისო და რეგიონულ ორგანიზაციებში;