2012 წლის ბოლომდე, ხელვაჩაურში ავეჯის საწარმოს თურქეულ-ქართული კომპანია "ალოღლუ-გეორგია" ააშენებს. აჭარის ფინანსთა და ეკონომიკის სამინისტროს ინფორმაციით, "ალოღლუ-გეორგიამ" ხელვაჩაურის მუნიციპალიტეტის, სოფელ ახალსოფელში მდებარე შენობა-ნაგებობი, ელექტრონულ პირობებიან აუქციონზე 233 ათას ლარად შეიძინა, ობიექტის საწყისი ღირებულება კი 226 ათასი ლარი იყო.
სააუქციონო პირობების თანახმად ინვესტორი ვალდებულია საბოლოო საპრივატიზებო თანხის გადახდა პირობებიანი ელექტრონული აუქციონის ჩატარებიდან 90 კალენდარული დღის ვადაში განახორციელოს. ასევე ხელშეკრულების გაფორმებიდან 12 თვის ვადაში ააშენოს და ექსპლუატაციაში შეიყვანოს ავეჯის ქარხანა, რომელსაც პროფილს შეუნარჩუნებს არანაკლებ 3 წლის განმავლობაში.
ინვესტორი ვალდებული ხდება ასევე, რომ ავეჯის ქარხნის ექსპლუატაციაში შესვლიდან 1 თვის განმავლობაში შექმნას არანაკლებ 100 სამუშაო ადგილი.
არანაკლებ ერთი ბიჯისა. (ქონება ითვლება გაყიდულად ელექტრონულ აუქციონში საბოლოო თანხის შემომთავაზებელ მონაწილეზე)
