დღეიდან, ყავის მსოფლიო ბრენდის "სტარბაქსის" „ესპრესო" რძით, კლასიკური „ლატე",„ლატე" კარამელითა და შოკოლადით აღმაშენებლის ხეივნის მეცამეტე კილომეტრსა და ვაზისუბნის მეორე მიკრორაიონში მდებარე სუპერმარკეტ „სმარტში" იყიდება. პირველად საქართველოში "სტარბაქსის" პროდუქცია "ვისოლი ჯგუფის" სუპერმარკეტების ქსელ "სმარტში" გამოჩნდა და პროდუქტზე მაღალი მოთხოვნის გათვალისწინებით კომპანია მომხმარებელს უკვე "სტარბაქსის" ოთხ პროდუქტს სთავაზობს. "სმარტის" ქსელში "სტარბაქსის" ყავა ქილებში დაფასოებული იყიდება და ხუთი ლარის ფარგლებში ღირს.
„სმარტში" მომხმარებელს თავდაპირველად "სტარბაქსის" მხოლოდ ერთი პროდუქტი შევთავაზეთ, თუმცა მოთხოვნა იმდენად მაღალი იყო, რომ დღეიდან უკვე ოთხი პროდუქტის რეალიზაცია დავიწყეთ. ექსკლუზიური პროდუქტების შეთავაზება „სმარტის" მუდმივი საზრუნავია, შესაბამისად, ჩვენს ერთგულ მომხმარებლებს მომავალშიც საინტერესო სიახლეებს ვპირდებით" - აცხადებენ კომპანიაში.
შეგახსენებთ, რომ "ვისოლ ჯგუფმა" ახალი მიმართულების განვითარება 2010 წლის დეკემბერში დაიწყო და „სმარტის" პირველი სუპერმარკეტი აღმაშენებლის ხეივნის მე-13 კილომეტრზე ვისოლის ავტოგასამართ სადგურთან გახსნა. „სმარტი" მომხმარებელს 10 000-მდე დასახელების გერმანულ პროდუქტებს და ყოველდღიური მოხმარების საგნების ფართო არჩევანს სთავაზობს. გერმანული საცხობი, აფთიაქი, უფასო ინტერნეტ (WI-FI) ზონა, სწრაფი გადახდის აპარატი და ბანკომატი კი მომხმარებელს სრულ კომფორტს უქმნის.
