2006 წლიდან, LSE-ზე განთავსებულია საქართველოს ბანკის გლობალური დეპოზიტარული ხელწერილები . ლონდონის საფონდო ბირჟაზე პრემიალური ლისტინგი, რაც ლისტინგის უფრო მაღალ ხარისხს ნიშნავს, კიდევ უფრო მეტ ინვესტორს მისცემს წვდომას საქართველოს ბანკის აქციებზე და მისცემს კომპანიას შესაძლებლობას მოხვდეს FTSE ინდექსში.
მოსალოდნელია, რომ პრემიალური ლისტინგი ბანკის აქციების ლიკვიდურობას და მის კაპიტალიზაციას გაზრდის.

"საქართველოს ბანკის", რომლის აქტივებიც 2,5 მლრდ. დოლარს შეადგენს, აქციების 95% ინსტიტუციონალური ინვესტორების მფლობელობაშია. "საქართველოს ბანკზე" ქვეყნის საბანკო აქტივების მესამედი მოდის. ბანკის კაპიტალიზაცია ამჟამად 450 მლნ. აშშ დოლარია.
აგვისტოს ბოლოს სარეიტინგო სააგენტომ Standard & Poor's-მა „საქართველოს ბანკის" გრძელვადიანი და მოკლევადიანი საკრედიტო რეიტინგი „В/В" დონეზე დატოვა და მას "პოზიტიური" პროგნოზი მიანიჭა.

ბანკის საქმიანობაზე პოზიტიურ გავლენას ახდენს მოგების მაღალი მაჩვენებელი. იმავდროულად ბანკის პრობლემური კრედიტები 4 %-ზე ნაკლებია