საქართველოს „ლეიბორისტული პარტია" ყოფილი ფეხბურთელის და ამჟამად პატიმრობაში მყოფ გიორგი დემეტრაძის შესახებ საქართველოში აკრედიტირებულ საელჩოებს, დიპლომატიურ კორპუსებს, საერთაშორისო უფლებადამცველ ორგანიზაციებს; ევროპის საბჭოს, ადამიანის უფლებათა დაცვის კომისარს, თომას ჰამერბერგს და საქართველოს სახალხო დამცველს საგანგებო დოკუმენტით მიმართავს. შესაბამისი განცხადება დღეს გამართულ საგანგებო ბრიფინგზე ლეიბორიტების საერთაშორისო მდივანმა ნესტან კირთაძემ გააჟღერა.
კირთაძემ აღნიშნა, რომ გიორგი დემეტრაძე, რომელიც რუსთავის #მე-6 სასჯელაღსრულების დაწესებულებაში იხდის სასჯელს არაადამიანურ პირობებში, გაუსაძლისი ფიზიკური და ფსიქოლოგიური ზეწოლის ქვეშ იმყოფება და თვითმკვლელობიოს ზღვარზეა.
"გიორგი დემეტრაძე, რომელმაც ქართულ ფეხბურთს და მის გულშემატკივრებს ბევრი სიხარული მოუტანა და ამჟამად რუსთავის #მე-6 სასჯელაღსრულების დაწესებულებაში იხდის სასჯელს არაადამიანურ პირობებში, გაუსაძლისი ფიზიკური და ფსიქოლოგიური ზეწოლის ქვეშ იმყოფება და თვითმკვლელობიოს ზღვარზეა, რასაც ქართული მედიის გახმაურებული პუბლიკაციების გარდა ადასტურებს გიორგი დემეტრაძის ერთ-ერთი ადვოკატი _ მარიკა ფხალაძეც. ფეხბურთელი ბოლო 3 კვირაა გადაყვანილ იქნა რუსთავის #მე-6 სასჯელაღსრულების დაწესებულებაში (დირექტორი _ დავით მარგებაძე). გავრცელდა ინფორმაცია, რომ სპეციალური ბარათი, რომლის საშუალებითაც პატიმარს ციხეში არსებული მაღაზიიდან სხვადასხვა პროდუქტის და ჰიგიენის საშუალებების ყიდვა შეუძლია დაბლოკილია და შედეგად გიორგი დემეტრაძეს არათუ საკვების, არამედ საპნის, კბილის ჯაგრისისა და ჰიგიენის სხვა ელემენტარული საშუალებების შეძენაც კი არ შეუძლია", - განაცხადა ლეიბორისტების საერთაშორისო მდივანმა.
კირთაძის განცხადებით, პატიმარი გიორგი დემეტრაძე ნახევრად მშიერია და ფიზიკურად ძალიან დასუსტებული, ვერ სარგებლობს გასეირნების უფლებით, ვერ იკვებება და ვერ ვარჯიშობს.
"ჩვენ მივმართავთ საელჩოებს, საერთაშირისო ufლებადამცველ ორგანიზაციებს, ევროპის საბჭოს ადამიანის უფლებათა დაცვის კომისარს, რათა სწრაფი მონიტორინგი განახორციელონ ამ ფაქტზე, და დავიცვათ არა, ზოგადად პატიმრის უფლება, არამედ ფეხბურთელ გიორგი დემეტრაძის სიცოცხლე.
მივმართავთ საქართველოს სახალხო დამცველს, რათა დღეიდანვე პირადი უსწრაფესი მონიტორინგი განახორციელოს ამ უმძიმეს ფაქტზე.
მივმართავთ მიხეილ სააკაშვილს და ქალბატონ მინისტრ კალმახელიძეს, რომლითვისაც პატიმრების სიკვდილი სტატისტიკად იქცა, უსწრაფესი ზომები მიიღოს ვითარების გამოსასწირებლად", - ნათქვამია ლეობორიტების მიმართვაში, რომელიც ჟურნალისტებს ნესტან კირთაძემ გააცნო.
მიმართვის თანახმად, "საქართველოს ლეიბორისტული პარტია" მზად არის უშუამდგომლოს გიორგი დემეტრაძეს შეწყალების სახელმწიფო კომისიის წინაშე.
"ცხადია პირადად მისი და ოჯახის თანხმობის შემთხვევაში, მისი სასჯელის პირობითი მსჯავრით შეცვლის Eთხოვნით", - აცხადებენ "ლეიბორისტები".
