სახელმწიფო "არამიანცის კომპლექსში" შემავალ კიდევ ერთ აქტივს ყიდის.
ეკონომიკისა და მდგრადი განვითარების სამინისტროს ინფორმაციით, ელექტრონულ აუქციონზე იყიდება შპს "კატასტროფის მედიცინის ცენტრის" სახელმწიფო საკუთრებაში არსებული 100%-იანი წილი, რომლის საწყისი ღირებულებაც 430 ათასი ლარია და მისი გასხვისება 16 სექტემბერს ელექტრონულ აუქციონზე იგეგმება.
"კატასტროფის მედიცინის ცენტრის" საწესდებო კაპიტალი 880 ათას 833 ლარია. ცენტრს 78626.12 ლარის დებიტორული და 93306.86 ლარის კრედიტორული დავალიანება გააჩნია.
შეგახსენებთ, რომ ეკონომიკისა და მდგრადი განვითარების სამინისტრომ ე. წ. არამიანცის კომპლექსში შემავალი 16 საავადმყოფო უკვე გაასხვისა.
