ლოპოტასა და ყვარელის ტბის შემდგომ სათანადო ინფრასტრუქტურა დურუჯის ტბაზედაც მოეწყობა. დურუჯის ტბის მიმდებარე ტერიტორიაზე, სადაც ამ დროისთვის კომპლექსური მშენებლობები მიმდინარეობს, ქვეყნის პრეზიდენტის თქმით, სპორტული მოედნები, სასტუმროები და რესტორნები აშენდება. დაგეგმილია ასევე ველობილიკების მშენებლობაც, სადაც ველოსიპედები გაქირავდება.
პრეზიდენტმა ხაზგასმით აღნიშნა, რომ "კერძო ტბებთან" ერთად, უნდა იყოს "საჯარო მოხმარების ტბებიც", სადაც ნებისმერი მსურველი, ნებისმერ დროს შეძლებს მისვლას და დასვენებას.
"გაკეთდა რამდენიმე ტბა. პრობელმაა ის, რომ კერძო ბიზნესია და მას უნდა მოგების მიღება, რის გამოც ვერ გაამტყუმნებ, მაგრამ ტბები არის დაკეტილი. ამის გარდა, უნდა გაკეთდეს საჯარო მოხმარების ტბები, უნდა მოვიდეს ნებისმიერი ადამიანი, ბავშვი გაასეირონოს, ითევზაოს, იბანაოს, შეყვარებული მიიყვანოს. კახეთი უნდა იყოს ძალიან მნიშვნელოვანი ტურისტული ცენტრი", - აღნიშნა სააკაშვილმა.
