აჭარის იანვარ-აგვისტოს ბიუჯეტი 11,2 %-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, აჭარის ბიუჯეტის 8 თვის გეგმა 98 მლნ. 13 ათას 600 ლარით იყო განსაზღვრული, თუმცა შესრულებამ 109 მლნ. 26 ათას 100 ლარი შეადგინა.
სამინისტროში განმარტავენ, რომ ბიუჯეტის გადასახადების მუხლი 119,1 %-ითაა შესრულებული, ხოლო სხვა შემოსავლების მუხლი 134,4 %-ით. არაფინანსური აქტივების მუხლი კი მხოლოდ 74,2 %-ითაა შესრულებული.
რაც შეეხება მუნიციპალურ ერთეულებს, შუახევის ბიუჯეტი შესრულებულია 24,7 %-იანი გადაჭარბებით, ხელვაჩაურის ბიუჯეტი - 23,6 %-იანი გადაჭარბებით, ქედას ბიუჯეტი - 13,9 %-იანი გადაჭარბებით და ბათუმის ბიუჯეტი - 11,3 %-იანი გადაჭარბებით. რაც შეეხება ხულოსა და ქობულეთის ბიუჯეტებს აქ გარღვევაა. იანვარ-აგვისტოს მონაცემებით, ქობულეთის ბიუჯეტი მხოლოდ 97,8 %-ითაა შესრულებული, ხოლო ხულოს ბიუჯეტი - 97,8 %-ით