"როსპოტრებნადზორის" ინფორმაციით, მათ უწყებას ოფიციალურად მიმართა კომპანიამ "IDS ბორჯომი საქართველომ" რუსეთის ბაზარზე ქართული მინერალური წყლის „ბორჯომის" მიწოდების აღდგენის შესახებ.
„მომავალ კვირასს იგეგმება, „როსპოტრებნადზორის" სპეციალისტებისა და კომპანია "IDS ბორჯომი საქართველოს" წარმომადგენელბის შეხვედრა, რომლის დროსაც კომპანია წარმოადგენს ინფორმაციას მისაღებ ზომებზე, რომელიც მიმართულია ხარისხის უზრუნველყოფისა და მინერალური წყალი „ბორჯომის" უსაფრთხოებაზე რუსეთის ფედერაციისა და საბაჟო კავშირის კანონმდებლობისა და მოთხოვნების შესაბამისად"- ნათქვამია „როსპოტრებნადზორის" ოფიცილაურ ვებ-გვერდზე გამოქვეყნებულ ინფორმაციაში
როგორც ცნობილია ცოტა ხნის უკან უკან "როსპოტრებნადზორმა" რუსეთში ქართული მინერალური წყლის, "ბორჯომის", მიწოდების აღდგენის საკითხის განხილვა დაიწყო.
"მომხმარებელთა უფლებების დაცვისა და ადამიანის კეთილდღეობის ფედერალურ სამსახურში შესულია ოფიციალური განაცხადი რუსეთის ფედერაციაში "ბორჯომის" შეტანის შესახებ, რომელიც ამჟამად განიხილება", - იტყობინება "როსპოტრებნადზორი" რამდენიმე დღის უკან.
თუმცა იმავე დღესვე "IDS ბორჯომი საქართველომ" განაცხადა, რომ რუსეთისთვის მინერალური წყლის ბაზარზე დაბრუნების თხოვნით არ მიუმართავს. როგორც სააგენტო "ჯი-ეიჩ-ენთან" საუბრისას მაშინ "IDS ბორჯომი საქართველოს" წარმომადგენელმა ნიცა ჩოლოყაშვილმა განაცხადა, კომპანიას ასეთი წინადადებით რუსეთის მთავარი სანიტარული სამსახურისთვის არ მიუმართავს.
შეგახსენებთ, რომ 2006 წელს რუსეთმა, სანიტარული ნორმების დაღვევის საბაბით, რუსულ ბაზარზე ქართული ალკოჰოლური პროდუქციისა და მინერალური წყლის შეტანა აკრძალა.
