11-14 ოქტომბრს, თურქეთის რესპუბლიკის საგარეო ვაჭრობის სამინისტროსა და სტამბოლის ექსპორტიორთა ასოციაციის კოორდინაციით, ქალაქ სტამბოლში გაიმართება "მე-10 საერთაშორისო ფარმაცევტული" გამოფენა-გაყიდვა.
საქართველოს დამსაქმებელთა ასოციაციის ინფორმაციით, გამოფენა-გაყიდვას დაესწრებიან ორგანიზაციები და მათი წარმომადგენლები შემდეგი ქვეყნიდან: გერმანია, აზერბაიჯანი, ბრაზილია, ჩეხეთი, დანია, საფრანგეთი, საქართველო, ჰოლანდია, ირანი, ერაყი, ესპანეთი, იაპონია, კორეა, ლიბია, ეგვიპტე, პოლონეთი, რუმინეთი, სენეგალი, სირია, საუდის არაბეთი, ტუნისი და უკრაინა.