კომპანია Apple ეძებს iPhone 5-ის პროტოტიპს, რომელიც კომპანიის ერთ-ერთ დეველოპერს სან-ფრანცისკოს ბარში დარჩა. როგორც CNET News იტყობინება, ინციდენტი ივლისის ბოლოს ლაუნჯ-ბარ Cava 22-ში მოხდა.
აპარატის გაუჩინარებიდან რამდენიმე დღეში Apple-მ შეძლო კვალზე გასვლა და მიადგნენ სტუდენტების სახლს, რომელიც ბართან ახლოს მდებარეობდა.
პოლიციის ჩარევის შემდეგ ბინის მეპატრონე გამოტყდა, რომ iPhone-ის დაკარგვის დღეს ის Cava 22-ში იმყოფებოდა, თუმცა დაკარგული სმარტფონის პროტოტიპზე არაფერი იცის. პოლიციამ ეჭვმიტანილის სახლი გაჩხრიკა, თუმც ვერაფერი ვერ იპოვა. Apple-მ სახლის პატრონს სმარტფონის გამოჩენის, ან სათანადო ინფორმაციის მიწოდებისთვის სოლიდური თანხაც შესთავაზა, თუმც პასუხი იგივე იყო, რომ მან iPhone-ის შესახებ არაფერი იცოდა.
CNET News-ი კომპანია Apple-ს დაუკავშირდა, თუმცა მათ მომხდარზე კომენტარი არ გაკეთეს.
როგორც ცნობილია, Apple-ის iPhone 5-ი ბაზარზე მალე, წლის ბოლომდე უნდა გამოჩნდეს. აღსანიშნავია ისიც, რომ ეს პირველი შემთხვევა არ არის, როდესაც Apple-ის მობილური ტელეფონის საიდუმლო იკარგება. ჯერ კიდევ 2010 წლის აპრილში, სან-ფრანცისკოს ერთ-ერთ ბარში სტუდენტმა iPhone 4-ის პროტოტიპი იპოვა, რომელიც იქ კომპანიის თანამშრომელს დარჩა. სტუდენტმა პროტოტიპი 5 ათას დოლარად ჟურნალ Gizmodo-ს მიყიდა, რომელმაც შემდგომ iPhone 4-ზე ექსკუზიური მასალა გამოაქვეყნა.