სს „კაუკაზუს ენერჯი ენდ ინფრასთრაქჩამ" ჰიდროელექტროსადგურის მშენებლობის მოედნის ქვემო ნაწილზე, ტუბინგური სეგმენტების ქარხნის მშენებლობა დაასრულა.
სეგმენტების ქარხანა აწარმოებს ბეტონის მრგვალ მოსაპირკეთებელ სეგმენტებს, რომლებიც გვირაბის გამყვანი მანქანის (TBM-ის) მეშვეობით დამაგრდება სადაწნევო გვირაბის (9.4 კმ) კედელზე გათხრის პარალელურად.კომპანიის ინფორმაციით, დანადგარები და სეგმენტების ყალიბები გერმანიიდან 2 თვის განმავლობაში ჩამოვა. დანადგარების მონტაჟის შემდეგ ქარხანა მზად იქნება სეგმენტების წარმოებისთვის
„მოხარულნი ვართ, რომ TBM-ის ჩამოტანამდე მისი ექსპლუატაციისთვის აუცილებელი მოსამზადებელი სამუშაოები დასასრულს მიუახლოვდა. TBM-ის საქართველოში ჩამოტანა წლის ბოლოსთვის უნდა დასრულდეს, რის შემდეგაც მოხდება მისი აწყობა სპეციალურად TBM-ისთვის განკუთვნილ ახლადაშენებულ ასაწყობ მოედანზე. სადაწნევო გვირაბის გათხრა მომავალი წლის პირველ კვარტალში დაიწყება"-, განაცხადა CEI-ს გენერალურმა დირექტორმა არჩილ მამათელაშვილმა.
