საქართველოს სრულუფლებიანი ელჩი სომხეთში თენგიზ შარმანაშვილი დღეს სომხეთის სოფლის მეურნეობის მინისტრს სერგო კარაპეტიანს შეხვდა.
მინისტრმა ქართველ ელჩს ქვეყნის სოფლის მეურნეობაში შექმნილი სიტუაცია დეტალურად გააცნო. შეხვედრაზე კარაპეტიანმა აღნიშნა, რომ წელს სოფლის მეურნეობის სფეროში მოსავლიანობა გაზრდილია და მინისტრმა ასევე განმარტა, რომ მზადაა საქართველოსთან აქტიურად ითანამშრომლოს მეცხოველეობისა და მევენახეობის დარგებში. მინისტრმა განაცხადა ისიც, რომ სომხეთი მზადაა საქართველოში სომხური ხილის ექსპორტი განახორციელოს. იმავდროულად შარმანაშვილმა განაცხადა, რომ საქართველო სომხეთში სიმინდის ექსპორტს მოახდენს.
მასალის გამოყენების პირობები
