საზღვაო აკადემია სწავლების ევროპულ მეთოდიკაზე გადავიდა. აჭარის მთავრობის თავმჯდომარე და განათლების მინისტრი ბათუმის საზღვაო აკადემიაში 2010-2011 წლებში განხორციელებულ ცვლილებს გაეცნენ.
აკადემია თითქმის მთლიანად გარემონტდა და თანამედროვე სასწავლო ინვენტარით აღიჭურვა. სექტემბრიდან მომავალი მეზღვაურებისთვის სასწავლო პროცესი ევროპული საზღვაო-საგანმანათლებლო პროგრამების იდენტური იქნება. მიმდინარეობს აკადემიის ლექტორების გადამზადებაც.
„პირობას ვდებ, რომ 1-ელი იანვრამდე აკადემია საერთაშორისო საზღვაო სასწავლო ცენტრად გადაიქცევა. ბათუმს მალე საზღვაო ქალაქის სტატუსს დავუბრუნებთ. აკადემიაში შეიცვალა სწავლების პირობები და მეთოდები. დამყარდა კონტაქტები 6 მსხვილ საკრუინგო კომპანიასთან და სტუდენტები პრაქტიკებს მათთან გაივლიან. ეს ძალიან მნიშვნელოვანია, რადგან პრაქტიკა მომავალ მეზღვაურებს დასაქმებაში მნიშვნელოვნად დაეხმარებათ", - განაცხადა ლევან ვარშალომიძემ.
ბათუმის საზღვაო აკადემია საზღვაო უნივერსიტეტების საერთაშორისო ასოციაციის წევრია, ასევე აქტიურად თამანშრომლობს სააგენტო „პოსეიდონსა" და კომპანია "GTS"-თან.
