თურქეთი აზერბაიჯანის შაჰ-დენიზის საბადოდან, გაზის ტრანსპორტირებაზე მოლაპარაკებებს სექტემბრის ბოლომდე დაასრულებს. ამის შესახებ განცხადება თურქეთის ენერგეტიკის მინისტრმა თენერ ილდიზმა განაცხადა.
საუბარია თურქეთისთვის 6 მლრდ. კუბ/მ ბუნებრივი არის მიწოდებაზე, რომელიც თურქეთში საქართველოს გავლით, ხოლო თურქეთიდან ევროპის ქვეყნებში გადანაწილდება.
"კოლეგებს საქმის დაჩქარებისკენ მოვუწოდე. კონტრაქტის გაფორმება ადრევე გვინდა. თურქეთმა ყველაფერი გააკეთა იმისთვის, რომ პროექტის განხორციელება დავაჩქაროთ, საჭიროა კონტრაქტი დროულად გაფორმდეს", - აცხადებს ილდიზირი.
პროექტის განხორციელებაზე მოლაპარაკებები ჯერ კიდევ ივნისში, თურქეთის პრემიერ-მინისტრის რეჯებ ტაიპ ერდოგანის ბაქოში ვიზიტისას დაიწყო. ევროპას სურს აზერბაიჯანული გაზი დროულად მიიღოს, რათა ევროპამ რუსულ გაზზე დამოკიდებულება მინიმუმამდე დაიყვანოს.
შაჰ-დენიზის საბადოს მარაგები 1,2 ტრილიონ კუბ-მ-ით არის შეფასებული. საბადოზე მოპოვება 2006 წლიდან დაიწყო.
