საქართველოში სატელეფონო აპარატების იმპორტი18 %-ით გაიზარდა. "საქსტატის" ინფორმაციით, 2011 წლის იანვარ-ივლისში ქვეყანაში 71 მლნ. 933 ათას 500 ლარის სატელეფონო აპარატები შემოვიდა, მაშინ როდესაც გასული წლის ანალოგიურ პოერიოდში ეს მაჩვენებელი 60 მლნ. 726 ათას 600 ლარი იყო.

სტატისტიკის ეროვნული სამსახურის ინფორმაციით, 2011 წლის იანვარ-ივლისის მონაცემებით, სატელეფონო აპარატები საიმპორტო უმსხვილესი სასაქონლო ჩამონათვალში მეექვსზე ადგილზეა. უმსხვილესი სასაქონლო საიმპორტო პოზიციებში სატელეფონო აპარატების წილი 2 %-ია.

შეგახსენებთ, რომ უმსხვილესი საიმპორტო სასაქონლო ჯგუფი 2011 წლის იანვარ-ივლისში კვლავ ნავთობი და ნავთობპროდუქტები იყო, რომლის იმპორტმა 458 მლნ. აშშ დოლარი და მთელი იმპორტის 13 პროცენტი შეადგინა. მეორე ადგილზე იმყოფებოდა მსუბუქი ავტომობილების სასაქონლო ჯგუფი 206 მლნ. აშშ დოლარით, რაც იმპორტის 6 პროცენტი იყო. მესამე ადგილზე ნავთობის აირები და აირისებრი ნახშირწყალ¬ბა¬დების ჯგუფი - 150 მლნ. აშშ დოლარით, (იმპორტის 4 პროცენტი).