მეცნიერები გვაფრთხილებენ, რომ ადამიანები სიფრთხილით უნდა მიუდგნენ პარტნიორის არჩევას, რადგან მათი ცხოვრება შეიძლება პირდაპირ იყოს დამოკიდებული მის სულიერ მდგომარეობაზე.
საქმე ისაა, რომ ადამიანი, რომელიც ისეთ პარტნიორთან ცხოვრობს, რომელმაც ადრე სტრესი გადაიტანა, შესაძლოა, გაცილებით ახალგაზრდა ასაკში გარდაიცვალოს.
ასეთი დასკვნა ფრინველებზე დაკვირვების შემდეგ გაკეთდა. მეცნიერები აკვირდებოდნენ ფრინველებს, რომლებიც მტკიცე ოჯახურ კავშირს ქმნიან და სტრესზე ისევე რეაგირებენ, როგორც ადამიანები.
ფრინველთა ბარტყები ორ ჯგუფად გაიყო: ორი კვირის განმავლობაში პირველი ჯგუფი ღებულობდა სტრესის ჰორმონს, შემდეგ ფრინველები ბუნებაში განათავსეს, სადაც დაცული იყვნენ სტრესისგან, იქ მათ დაიწყეს წყვილების შექმნა.
აღმოჩნდა, რომ ის ვინც სტრესი "ბავშვობაში" გადაიტანა, გაცილებით მგრძნობიარეა ზრდასრულ ცხოვრებაშიც. ამასთან ეს ეფექტი გადამდებია - მათი პარტნიორები ადრე კვდებოდნენ, თუმცა მათ სტრესი გადატანილი არ ჰქონდათ.
მეცნიერებმა გამოითვალეს, რომ ფრინველებში, რომელთაც სტრესგადატანილი პარტნიორები ჰყავთ, სიკვდილიანობის მაჩვენებელი 4 ჯერ მაღალია, ვიდრე ნორმალურ პირობებში.
