ხვალ, 25 აგვისტოს, 11:00 საათზე,26 მაისის ქ. #1-ში (სპორტის სასახლის უკანა შესასვლელი), საქართველოს ეკონომიკისა და მდგრადი განვითარების სამინისტროს ტურიზმის ეროვნული სააგენტო და "Altervision Group" ერთობლივ პრესკონფერენციას გამართავენ, სადაც 3 სექტემბერს მესტიაში დაგეგმილი ფესტივალის - "სვანსეტი 2011"-ის დეტალებს გაჟღერებენ.
წელს ფესტივალის ფარგლებში სამი მუსიკალური პროექტის წარდგენა მოხდება: "Altervision Group" და "ქართული ჩანაწერები" წარმოადგენს ირაკლი ჩარკვიანის ახალ პროექტს - "თეთრი ღმერთი". "SVANSETI 2011"-ზე წარმოდგენილი იქნება ირაკლის ჩარკვიანის ექსპერიმენტული კონცერტი - პროექციითა და ვიზუალური ეფექტების საშუალებით გაცოცხლებული "მეფე". "თეთრი ღმერთი" შეიქმნა მისი გარდაცვალების შემდეგ და მასში შესულია დღემდე გამოუქვეყნებელი ლექსები, კომპოზიციები და ძველი მასალის გამოყენებით შექმნილი ტრეკები.
Soft Eject-ს 5- წლიანი პაუზის შემდეგ, პირველად იხილავს მსმენელი სრულიად ახალი პროექტით - "Exclamation". Green Rooom & RIHO. წელს "Altervision Group"-ის მიერ დაგეგმილია ერთდღიანი ფესტივალი ღია ცის ქვეშ.
"SVANSETI 2011"-ისთვის შეიქმნება სამდღიანი ტურპაკეტები, რომელიც მგზავრობას, დაბინავებასა და კვებას მოიცავს.
