8-9 სექტემბერს სტალბულში, Nabucco-ს პროექტზე XIII საერთაშორისო ენერგეტიკულ არენაზე იმსჯელებენ. შეხვედრაზე დეტალურად იქნება განხილული, გაზის ტრანსპორტირების საკითხები და ასევე Nabucco-ს პროექტის დეტალები.
XIII საერთაშორისო არენა თურქეთში ტექნიკური და სტრატეგიული ცენტრში გაიმართება. აღსანიშნავია, რომ შეხვედრაში მონაწილეობას მიიღებენ, საქართველოს ენერგეტიკისა და ბუნებრივი რესურსების მინისტრი ალექსანდრე ხეთაგური, მისი თურქი კოლეგა ტანერ ილდიზი, აზერბაიჯანის სათბობ-ენერგეტიკის მინისტრი ნატიკ ალიევი და ასევე ენერგეტიკული ექსტორის წარმომადგენლები რუსეთიდან და ერაყიდან.
შეგახსენებთ, რომ Nabucco-ს კონსროციუმიში გაერთიანებულნი არიან თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz.
პროექტის ყოველ მონაწილეს პროექტში 16,67 %-იანი წილი აქვს. TumcaRa International Petroleum Investment Company (IPIC) უკვე ფლობს აქციათა 20 %-ს ავსტრიულ OMV Gas&Power GmbH -ში.
Nabucco-ს პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზერულის გაზსადენის გაგრძელება გახდება და ყოველწლიურად 20-30 მლრდ კუბური მეტრის გაზის გატარებას უზრუნველყოფს.
