მშენებლობის დეტალების გასაგებად "კაუკაზუს ენერგი ენდ ინფრასთრაქჩას" მენეჯმენტი დაუკავშირდა პროექტის მართველ კომპანიას, ენერგოტრანს, რომლის 100%-იან მფლობელს "საქართველოს სახელმწიფო ელექტროსისტემა" წარმოადგენს.

2011 წლის თებერვალში, ენერგოტრანსმა დაიწყო 500/400/200 კვ ელექტროქვესადგურის მშენებლობა ახალციხეში, თურქეთის საზღვართან. ქვესადგური "შავი ზღვის მაღალი ძაბვის გადამცემი ხაზის პროექტის" ერთ-ერთი მთავარი შემადგენელი ნაწილია. ინფასტრუქტული სამუშაო, როგორიც არის შიდა გზები, სამუშაო მოდულები და ბეტონის ქარხანა უკვე დასრულებულია. ამჟამად კომპანია ქვესადგურის მოწყობილობების და შენობის ფუნდამენტების მშენებლობის ბოლო ეტაპზეა. ასევე აღსანიშნავია, რომ დაგეგმილ ვადებში მიმდინარეობს მაღალი ძაბვის გადამცემი ხაზის მშენებლობა. გადამცემი ხაზი 247 კილომეტრი სიგრძისაა და საქართველოს სამხრეთ დასავლეთ და სამხრეთ აღმოსავლეთ ნაწილში მდებარეობს. მაღალი ძაბვის გადამცემი ანძების უმეტესი ნაწილი უკვე დამონტაჟებულია.

"შავი ზღვის მაღალი ძაბვის გადამცემი ხაზის პროექტი" დაფინანსებულია kfW, EBRD, EIB და საქართველოს მთავრობის მიერ. 500 კვ-იანი ელექტრო გადამცემი ხაზის მეშვეობით შესაძლებელი იქნება 700 მვტ სიმძლავრის ელექტროენერგიის ექსპორტი თურქეთში და შესაბამისად, ხაზი გამოყენებული იქნება მტკვარი ჰესის მიერ მთავარ საექსპორტო ქსელად. მტკვარი ჰესი ელექტრო ქვესადგურიდან მხოლოდ 2.5 კილომეტრით იქნება დაშორებული (სურათი 1), რაც ჰესის ექსპლუატაციაში შესვლის შემდგომ მნიშვნელოვნად აისახება ხარჯების დაზოგვაში.