საქართველოში საწვავი 5 თეთრით გაიაფდა. კომპანიებში განმარტავენ, რომ დღეიდან საცალო ქსელში 5 თეთრით ყველა პროდუქტის ღირებულება გაიაფდა.
შეგახსენებთ, საწვავის გაიაფების შესახებ პირველად განცხადება "ჯი-ეიჩ-ენთან" საუბრისას, ნავთობპროდუქტების იმპორტიორთა კავშირის თავმჯდომარემ ვანო მთვრალაშვილმა განაცხადა.
"ბოლო პერიოდში აშშ-ში განვითარებული მოვლენების გამო, მსოფლიო სასაქონლო ბაზრებზე, ნავთობის ფასის ვარდნა მოხდა. პარალელურად დაიკლო ბენზინისა და ნავთობის საერთაშორისო ფასებმაც. ცნობილია, რომ ჩვენი ბაზარი მთლიანადაა დამოკიდებული და მიბმული საერთაშორისო ბაზრებზე არსებულ ვითარებაზე. კომპანიებს აქვთ იმისი რესურსი, რომ საქართველოში ბენზინის ფასი გაიაფდეს", - აღნიშნა მთვარალაშვილმა 22 აგვისტოს "ჯი-ეიჩ-ენთან" საუბრისას.
მთვარალაშვილი განმარტავს, რომ ბოლო პერიოდში საწვავის მოწოდებასთან დაკავშირებით გარკვეული პრობლემები და რომ არა ეს პრობლემები, მაშინ საცალო ქსელში საწვავის ფასი უფრო ადრე დაიკლებდა. მისი თქმით, საწვავის გაიაფება მნიშვნელოვანია მომხმარებლისთვის, რადგანაც ზაფხულში მისი მოხმარება იზრდება.
"ზაფხულის პერიოდში, სტატისტიკას თუ გადავხედავთ, საერთაშორისო ბაზარზე ნავთობზე ფასების კლება არ დაფიქსირებულა. ეს კი თავის მხრივ ბოლო წლების უპრეცენდენტო მოვლენაა, რადგანაც ზაფხულში მოხმარება იზრდება, რაც ნიშნავს იმას, რომ მისი ფასი იზრდება. თუმცა აშშ-ში, ევროზონაში და რიგ ქვეყნებში განვითარებულმა მოვლენებმა განაპირობა ის, რომ ნავთობის ფასმა დაიკო", - აცხადებს მთვარალაშვილი.
