დედოფლისწყაროს რაიონში ცოფის საწინააღმდეგო მკურნალობა 28 ადამიანს უტარდება.
კახეთის საინფორმაციო ცენტრის ინფორმაციით, მათ შორის ერთი 6 წლის ბავშვია, რომელიც კატამ დაკაწრა.
„ბავშვი სახეზე და ყელზე იყო დაკაწრული, მას შესაბამისი ვაქცინის გარდა ესაჭიროებოდა პრეპარატი იმუნოგლობულინი, რომელიც ჩვენ საავადმყოფოში არ გვქონდა. პაციენტი თბილისში აიცრა და ამჟამად თავს კარგად გრძნობს. კატა კი მეორე დღეს მოკვდა. ლაბორატორიული გამოკვლევის შედეგად ცხოველს ცოფი დაუდგინდა. იმავე დღეს ავცერით 28 ადამიანი, ვისაც კატასთან კონტაქტი ჰქონდა. პაციენტებს სულ ხუთი აცრა უნდა ჩაუტარდეთ", - აცხადებს ეპიდემიოლოგმა ლალი ალადაშვილმა.
