"სამწუხაროდ, ჩვენთვის არაფერია გასაკვირი იმაში, რომ რუსეთის სპეცსამსახურები აქტიურად ცდილობენ მუშაობას საქართველოს ხელისუფლების მიერ კონტროლირებად ტერიტორიაზე, მით უფრო ოკუპირებულ ტერიტორიებზე. ეს რეალობის სამწუხარო ფაქტია",_ აცხადებს საქართველოს უშიშროების საბჭოს მდივანი გიგა ბოკერია "ოგონიოკის" კორესპოდენტის კითხვაზე - ფოტოკორესპოდენტების დაკავებით საქართველოს ზედმეტი ხომ არ მოუვიდა.
ბოკერია ასევე აცხადებს, რომ არიან თუ არა დაკავებული ფოტოკორესპოდენტები დამნაშავეები ამას სასამართლო გადაწყვეტს.
"არ ჩავუღრმავდები ამ კონკრეტული შემთხვევის დეტალებს, იმ ადამიანების წინააღმდეგ, რომლებსაც მე პირადად ძალიან კარგად ვიცნობდი ძალიან სერიოზული ბრალდებებია წაყენებული და არიან თუ არა ისინი დამნაშავე ამას სასამართლო გადაწყვეტს. ორი მათგანი სახელმწიფო მოხელეები იყვნენ, ერთი მათგანი კი პრეზიდენტთან ძალიან დაახლოებული ადამიანი - ეს მისი პირადი ფოტოგრაფია, რომელიც დიდ დროს ატარებს მასთან ერთად. მას ჩვენ ყველა ვიცნობდით და ყოველთვის ყალიბდება რაღაც ურთიერთობა. ამიტომაც ეს ფაქტი ძალიან არასასიამოვნოა", _ აცხადებს ბოკერია და დასძენს, რომ მისი აზრით, საქართველოს ამის გამო არც ის ემუქრება, რომ იგი ისეთ ქვეყანათა რიგში ჩააყენონ სადაც სიტყვის თავისუფლება არ არის.
"ეს ადამიანები ფოტოგრაფები იყვნენ, რომლებიც მთავრობაზე მუშაობდნენ. ისინი, რომ კომენტატორები ყოფილიყვნენ ან ადამიანები, რომლებიც ცნობილნი არიან თავიანთი პოლიტიკური აზრებით და მე ამ შემთხვევაში გამოვრიცხავ, საქართველოს ხელისუფლების სურვილს ამის გამო ვინმე ჯაშუშობაში დაადანაშაულოს", _ აცხადებს უშიშროების საბჭოს მდივანი და იმასაც გამორიცხავს, რომ ფოტოკორესპოდენტების დაკავება 26 მაისს უკავშირდებოდეს.
"ახლა არის ახალი თეორია, გამიგონია ჩვენს მედიაში განიხილება, რომ მათ გადაიღეს 26 მაისის ფოტოსურათები - ძნელია სერიოზულად განიხილო ეს ჰიპოთეზა, იმ დღეებში ათასობით ფოტოსურათი გაკეთდადა იქ ათობით ფოტოგრაფი მუშაობდა. ამ საკითხზე არც ვიკამათებ. უბრალოდ შეგახსენებთ, რომ საქართველო არ არის ერთადერთი ქვეყანა, რომელშიც რუსეთის გადასახადის გადამხდელთა რესურსები ღია ჯაშუშობას ხმარდება და გასაკვირიც აქ არაფერია", _ აცხადებს გიგა ბოკერია.
