კომპანია „თელასის" გენერალური დირქტორის, იური პიმონოვის ბრძანების საფუძველზე შეიქმნა სპეციალური კომისია, რომელიც პასუხისმგებელია შესაბამისი სამუშაობის დაგეგმვასა და განხორციელებაზე.

კომისიის მიერ დაამტკიცებული გეგმის მიხედვით, „თელასი" ჩაატარებს სარემონტო და პროფილაქტიკურ სამუშაოებს 110/35 და 10(6) კილოვოლტიანი ქვესადგურების გამანაწილებელ მოწყობილობებზე, მოდერნიზაციის სამუშაოებს სატრანსფორმატორო ქვესადგურების ელექტროტექნიკურ ნაწილზე; სარემონტო-პროფილაქტიკურ სამუშაოები ჩაუტარდება 110 da 35 კილოვოლტიან ელექტრო გადამცემ ხაზებს, შეიცვლება 35/10/6 კილოვოლტიანი ძაბვის მოძველებული საჰაერო და საკაბელო ხაზები და აშ.
2011-2012 წლის შემოდგომა-ზამთრის სეზონისთვის მოსამზადებელი სამუშაოების ჩასატარებლად კომპანია 3,6 მილიონი ლარის დახარჯვას გეგმავს.
აღსანიშნავია, რომ 2011-2012 წლის შემოდგომა-ზამთრის სეზონისთვის მზადების ღონისძიებებთან ერთად, 2011 წლის განმავლობაში კომპანია „თელასი" ქსელის ყველა სეგმენტის ელექტროტექნიკურ ნაწილზე, მათ შორის ქვესადგურებსა და საკაბელო ხაზებზე, ტექნიკური გადაიარაღების და მოდერნიზაციის სამუშაოებს ატარებს. ქსელის ტექნიკური გადაიარაღებისა და მოდერნიზაციის პროექტის განხორციელებისათვის „თელასი" დაახლოებით 16,5 მლნ ლარის ინვესტირებას გეგმავს.
ძირითად ყურადღებას კომპანია გამანაწილებელი ქსელის ტექნიკური თვალსაზრისით ყველაზე სუსტი სეგმენტების რეაბილიტაციას და მოდერნიზაციას უთმობს.
ყველა ზემოხსენებული სამუშაოს დასრულების შემდეგ გაიზრდება თბილისის ელექტრომომარაგების ეფექტურობა და საიმედოობა- ტექნიკური ინციდენტების რიცხვი მინიმუმამდე იქნება დაყვანილი, ასევე არსებითად შემცირდება ელექტროენეგიის დანაკარგების საერთო დონე.