იორდანელ ბიზნესმენთა დელეგაციას, რომელსაც ვაჭრობის და მრეწველობის მინისტრი ჰანი ელმუკლინი ხელმძღვანლობს, აჭარის მთვარობის თავმჯდომარემ უმასპინძლა. ლევან ვარშალომიძემ ბიზნესმენებს რეგიონის საინვესტიციო გარემო და ტურისტული პოტენციალი გააცნო. შეხვედრაზე, ასევე ისაუბრეს აჭარაში დღემდე განხორციელებულ პროექტებსა და სამომავლო პერსპექტივებზე.
ორმხრივი შეხვედრა ინვესტიციების მოზიდვას, საქართველოში ბიზნეს-პარტნიორების მოძიებასა და ქვეყნებს შორის ეკონომიკური ურთიერთობების გაღრმავებას ისახავს მიზნად. იორდანელი ბიზნესმენები აჭარაში პირველად იმყოფებიან, ისინი რეგიონში სოფლის მეურნეობის, ჯანდაცვისა და სატრანპორტო სფეროთი დაინტერესდნენ.
ვიზიტის ფარგლებში სასტუმრო "შერატონში" საქართველო-იორდანიის 2 დღიანი ბიზნეს-ფორუმი მიმდინარეობს. ქართულ კომპანიებს შესაძლებლობა ექნებათ პოტენციურ ბიზნეს-პარტნიორებთან მოლაპარაკებები გამართონ.
