საჯარო რეესტრის ეროვნული სააგენტოს ინფორმაციით, ამავე პერიოდში აჭარაში უძრავი ქონების გაყიდვების რაოდენობა 2010 წელთან შედარებით გაიზარდა 16.8%-ით, ხოლო 2009 წელთან შედარებით - 1.7-ჯერ. ქალაქ ბათუმში, 2011 წლის იანვარ-ივნისის მდგომარეობით, უძრავი ქონების გაყიდვების რაოდენობა 2010 წელთან შედარებით გაიზარდა 11.0%-ით, ხოლო 2009 წელთან შედარებით - თითქმის გაორმაგდა (ზრდა 1.9-ჯერ).

ივნისში წინა წლის იმავე თვესთან შედარებით უძრავი ქონების გაყიდვების რაოდენობა აჭარაში 28.6%-ით გაიზარდა და 468 ერთეული შეადგინა. ზრდა დაფიქსირდა ქალაქ ბათუმშიც (31.0%-ით; 296 ერთეული).

2011 წელს როგორც აჭარაში, ისე ქალაქ ბათუმში გაყიდვებით ლიდერი თვეა მაისი (შესაბამისად 510 და 336 უძრავი ქონების გაყიდვის ტრანზაქცია). ტერიტორიული ერთეულების მიხედვით გაყიდვების სტრუქტურაში ლიდერია ქალაქი ბათუმი (61.4%). მეორე და მესამე პოზიციებს ინაწილებენ ხელვაჩაურის და ქობულეთის მუნიციპალიტეტები (შესაბამისად 23.6% და 12.5%). ქედას, შუახევის და ხულოს მუნიციპალიტეტების წილი ამ სტრუქტურაში უმნიშვნელოა და ჯამურად 2.6%-ს შეადგენს (ა.წ. 6 თვის მაჩვენებელი).

საჯარო რეესტრის ეროვნული სააგენტოში განმარტავენ, რომ ივნისის თვეში ქალაქ ბათუმში პირველადი და მეორადი რეგისტრაციების თანაფარდობის კოეფიციენტი შეადგენს 0.135-ს. ამ თვეში განხორციელებულ 2737 სარეგისტრაციო ტრანზაქციაში 11.9%-ს (ანუ 326 ერთეული ტრანზაქცია) შეადგენენ პირველადი რეგისტრაციები, ხოლო 88.1%-ს (ანუ 2411 ერთეული ტრანზაქცია) - მეორადი რეგისტრაციები.

2011 წლის იანვარ-ივნისში აჭარაში უძრავ ქონებაზე იპოთეკის 5817 ტრანზაქცია დარეგისტრირდა, რომელშიც ქალაქ ბათუმის წილი შეადგენს 76.1%-ს (4427 იპოთეკის ტრანზაქცია).
ამავე პერიოდში აჭარაში უძრავ ქონებაზე იპოთეკების რაოდენობა 2010 წელთან შედარებით გაიზარდა 65.5%-ით, ხოლო 2009 წელთან შედარებით - 3.7-ჯერ. ქალაქ ბათუმში კი მდგომარეობა შემდეგია: უძრავ ქონებაზე იპოთეკების რაოდენობა 2010 წელთან შედარებით გაიზარდა 58.9%-ით, ხოლო 2009 წელთან შედარებით - 3.5-ჯერ).

ივნისში წინა წლის იმავე თვესთან შედარებით უძრავ ქონებაზე იპოთეკების რაოდენობა აჭარაში 54.6%-ით გაიზარდა და შეადგინა 1248 ერთეული. ზრდა დაფიქსირდა ქალაქ ბათუმშიც (50.9%-ით; 969 ერთეული).