სადაზღვევო კომპანია "ალფა" ხდება პირველი სადაზღვევო კომპანია, რომელიც ქართველი ფეხბურთელების ჯანმრთელობას დააზღვევს. ქუთაისის ცენტრალურ სტადიონზე "ტორპედო ქუთაისმა" და სადაზღვევო კომპანია „ალფამ", კომპანია „ავერსიმ" და სილქ ნეტიმ ერთობლივი მემორანდუმი უკვე გააფორმეს. ხელშეკრულების თანახმად, ამიერიდან „ტორპედო ქუთაისის" ფეხბურთელების ჯანმრთელობის დაზღვევაზე ავერსის შვილობილი კომპანია ალფა იზრუნებს, ხოლო სილქ ნეტი კლუბის ერთ-ერთი სპონსორი გახდება. მემორანდუმის საფუძველზე სადაზღვეო კომპანია „ალფას", „ავერსსა" და სილქ ნეტს „ტორპედო ქუთაისის" სპონსორის სტატუსი ენიჭება და პირველად საქართველოში პრეცენდენტი შეიქმნება, როდესაც კლუბისა და ზოგადად ქართული ფეხბურთის განვითარებაზე რამდენიმე კერძო კომპანია ერთად იზრუნებს.
„ტორპედო ქუთაისის" საფეხბურთო კლუბი ევროპული ტიპის კლუბად ყალიბდება. კლუბი თანამედროვე სპორტული მენეჯმენტის პრინციპებით იმართება, მის ფეხბურთელებს კი საშუალება აქვთ, არამხოლოდ ევროპული სტანდარტების სპორტულ ინფრასტრუქტურაზე ივარჯიშონ თუ იასპარეზონ, არამედ ჯანმრთელობის დაზღვევის საუკეთესო პირობებითაც ისარგებლონ. მოხარული ვართ, რომ დღეს სამი კოპანია შემოუერთდა ჩვენს ინიციატივას საქართველოშიც დავნერგოთ კლუბების მართვის ევროპული სტანდარტები და მაქსიმალური რესურსები დავხარჯოთ კლუბისა და ზოგადად ქართული ფეხბურთის განვითარებისათვის. მისასალებელია სილქ ნეტის ინიციატივა, რომელაც სურვილი გამოთქვა, ყოფილიყო ტორპედო ქუთაისის ერთ-ერთი თანასპონსორი" - აცხადებს „ტორპედო ქუთაისის" პრეზიდენტი ლევან ფხაკაძე.
საფეხბურთო კლუბ „ტორპედო ქუთაისზე" მზრუნველობა ვისოლმა 2010 წელს აიღო და საქმიანობას სამი მიმართულებით ანვითარებს: ქნის ევროპული სტანდარტების ინფრასტრუქტურას, აძლიერებს საფეხბურთო კლუბს და ავითარებს ბავშვთა ფეხბურთს.
