საქართველოს იუსტიციის სამინისტროს ეროვნულ არქივს 2011 წლის 6 თვის განმავლობაში ეროვნულ საარქივო ფონდში დასაცავად წერილობითი დოკუმენტები - 21 245 საქმე გადაეცა. მათ შორის არის მმართველობითი, პირადი შემადგენლობისა და პირადი წარმოშობის საქმეები, რომელიც დამუშავების შემდეგ დაინტერესებული პირებისათვის ხელმისაწვდომი იქნება. ამავე პერიოდში ეროვნულმა არქივმა შეიძინა ან საჩუქრად მიიღო კერძო კოლექციონერებთან არსებული წერილობითი, ფოტო და კინოდოკუმენტები.
ეროვნული არქივის ინფორმაციით, საარქივო ფონდში 2011 წელს შესული დოკუმენტებიდან არის: 2000-მდე საეკლესიო მეტრიკული წიგნი; XIX საუკუნის სამაჩაბლოსთან დაკავშირებული საბუთები; კინოდოკუმენტები: `ბაქოს ნავთობჭაბურღილები~ (1908), ასევე, 8 დოკუმენტური ფილმი და 700 ცალი ფოტონეგატივი, რომელიც XX საუკუნის 50-80-იანი წლების კულტურულ პროცესებს ასახავს.
აღსანიშნავია, რომ უკვე დასრულდა `საქინფორმის~ ფოტოარქივის დამუშავება, რომელიც 162 372 ფოტოპოზიტივს, ნეგატივსა და სლაიდს მოიცავს. მკვლევართათვის ხელმისაწვდომი გახდა, აგრეთვე, `ლევილისა~ და `ჰარვარდის~ დოკუმენტების საფუძველზე შექმნილი 10 ფონდი.