დღეს, 19 ივლისს, 12:00 სთ-ზე სადაზღვევო კომპანია ალფასა და ტორპედო ქუთაისს შორის დადებულ ხელშეკრულებას ხელი მოეწერება.
როგორც "ჯი-ეიჩ-ენს" კომპანიიდან აცნობეს, ხელშეკრულების თანახმად სადაზღვევო კომპანია ალფამ უპრეცედენტო შემთხვევას დაუდო საფუძველი. პირველად საქართველოში სადაზღვევო კომპანია ალფა ტორპედო ქუთაისის ყველა ფეხბურთელის ჯანმრთელობის მდგომარეობაზე იზრუნებს და მკურნალობისთვის საჭირო მედიკამენტებით უზრუნველყოფს. ფეხბურთელებისთვის მოსალოდნელი ტრამვები და შემთხვევები დაზღვეული იქნება სადაზღვევო კომპანია ალფას მიერ.
სადაზღვევო კომპანია ალფა 2 წელია რაც წარმოდგენილია სადაზღვევო ბაზარზე და იგი ჯანმრთელობის დაზღვევის ლიდერად მოიაზრება. მის დაზღვეულთა სიაშია ისეთი დიდი კომპანია, როგორიცაა შპს ,,ვისოლ პეტროლიუმ ჯორჯია~. სწორედ ეს გახდა საფუძველი იმისა, რომ სადაზღვევო კომპანია ალფა ქუთაისი ტორპედოს ფეხბურთელების მზღვეველიც გამხდარიყო.
სადაზღვევო კომპანია ალფა მუდმივად ზრუნავს ქართული სპორტის განვითარებაში, რაც არაერთხელ დადასტურდა სხვადასხვა გუნდების თუ სპორტული ღონისძიებების მხარდაჭერით.
ხელშეკრულებას ხელს მოაწერს ტორპედო ქუთაისის გენერალური დირექტორი: ლევან ფხაკაძე და სადაზღვევო კომპანია ალფას დამფუძნებელი პაატა კურტანიძე.
