ხვალ, 19 ივლისს, საქართველოს ოფიციალური ვიზიტით იორდანიის მრეწველობისა და ვაჭრობის მინისტრი ჰანი ჰანი ელმუკლინი ეწვევა. ამის შესახებ დღეს, ტრადიციულ ბრიფინგზე საგარეო საქმეთა მინისტრის მოადგილემ ნინო კალანდაძემ განაცხადა.
მისი თქმით, ვიზიტის ფარგლებში ქართველი და იორდანიელი ბიზნესმენების მონაწილეობით ბათუმში ბიზნესფორუმი გაიმართება.
"ეს ვიზიტი კიდევ ერთხელ ადასტურებს იმას, რომ ეს ქვეყანა საქართველოთი დაინტერესებულია. რაც შეეხება ბიზნესფორუმს,
მსგავსი ღონისძიებები ქვეყანაში ინვესტიციის შემოსვლას შეუწყობს ხელს", - აღნიშნა კალანდაძემ.
იორდანიის მრეწველობისა და ვაჭრობის მინისტრი ჰანი ელმუკლინი საქართველოს 20 ივლისს დატოვებს.
