ხვალიდან, ავიაკომპანია "აირზენა" ბათუმი-ხარკოვის მიმართულებით ავიარეისების შესრულებას იწყებს.
როგორც სააგენტო "ჯი-ეიჩ-ენს" "აირზენაში" განუმარტეს, საწყის ეტაპზე რეისები კვირაში ერთხელ შესრულდება, თუმცა მოთხოვნის ფონზე სამომავლოდ შესაძლოა ავიარეისების სიხშირე გაიზარდოს.
თვითმფრინავი ხარკოვიდან 12:30 საათზე (უკრაინის დროით) გამოფრინდება, ხოლო ბათუმიდან ხარკოვის მიმართულებით 11:00 საათზე (ადგილობრივი დროით) გაფრინდება.
ბათუმი-ხარკოვის ავიარეისს CRJ-200 ტიპის თვითმფრინავი შეასრულებს, რომელიც რეგიონალურ რეისებზეა გათვლილი. თვითმფრინავი 50 ადგილიანია.
