სამარალდამცველების მიერ დაკავებული ფოტორეპორტიორი, გლდანის #8 სასჯელაღსრულების დაწესებულებაში მყოფი გიორგი აბდალაძე ჟურნალისტებსა და საზოგადოებას მიმართავს.
"მივმართავ ყველას, ვისაც სჯერა ჩვენი სიმართლის, ჟურნალისტებს, საზოგადოების წარმომადგენლებს: ჩვენ უდანაშაულოები ვართ, გთხოვთ, გააგრძელოთ ეს ბრძოლა და სოლიდარობის აქციები, არ შეწყვიტოთ აქციები, გამოსვლები. შეწყვეტის შემთხვევაში, ჩვენ აქ ჩავიკარგებით და ამის შემდეგ კი მოგადგებიან თქვენ, თავისუფალ ჟურნალისტებს. ეს იქნება ძალიან მძიმე რეალობა", - აღნიშნულია მიმართვაში.
შეგახსენებთ: ხვალ, 14 ივლისს, 17:00 საათზე, პრეზიდენტის რეზიდენციასთან გაიმართება სოლიდარობის აქცია.
