თბილისის მერის გიგი უგულევას განცხადებით, რელიგიური გაერთიანებების შესახებ მიღებული კანონით მართლმადიდებელი ეკლესიის უფლებები არ შეიზღუდება. როგორც მან ყოვლადწმინდა სამების საკათედრო ტაძარში ჟურნალისტებთან საუბრისას განაცხადა, ის მიესალმება წმიდა სინოდის გადაწყვეტილებას.
„ქვეყანაში ყველა აღმსარებლობის პირის უფლებები დაცული უნდა იყოს. ამ კანონის მიღებით, საქართველოში მართლმადიდებელი ეკლესიის უფლებები არ შეიზღუდება და კონკორდატის შეთანხმებით დარეგულირდება", - განაცხადა უგულავამ.
შეგახსენებთ, რომ წმიდა სინოდის სხდომა გუშინ გაიმართა საპატრიარქოში.სინოდმა იმედი გამითქვა, რომ ცვლილების შედეგად, სხვა რელიგიურ გაერთიანებებს იგივე უფლებები არ მიენიჭებათ, რაც ქართულ მართლმადიდებელ ეკლესიას აქვს.
