"საქართველოს ბანკმა", საქართველოს წამყვანმა ბანკმა, დღეს ფულადი გზავნილების მომსახურებაში წილის გაზრდის შესახებ განაცხადა. საქართველოს ეროვნული ბანკის, 2011 წლის 31 მაისის მდგომარეობით "საქართველოს ბანკის" საბაზრო წილი, ფულადი გზავნილების სეგმენტში გაიზარდა და 53.2%-შეადგინა.
"საქართველოს ბანკი" მის მომხმარებელს სთავაზობს სწრაფი ფულადი გზავნილების სისტემების დიდ არჩევანს. ამასთან, ბანკი, ფულადი გზავნილების ერთგულ მომხმარებელს, მთელი წლის განმავლობაში გადასცემს საჩუქრებს. ის მომხმარებელი, ვინც 2011 წლის 1 ოქტომბრის ჩათვლით ისარგებლებს "საქართველოს ბანკის" ნებისმიერი სახის ფულადი გზავნილით თანხის მიღებისას ან გაგზავნისას, თითოეულ მიღებულ ან განაღდებულ გზავნილზე მიიღებს თითო სასაჩუქრე კუპონს. ხუთი კუპონის სანაცვლოდ კი მომხმარებელს "საქართველოს ბანკის" ბრენდირებული საჩუქარი გადაეცემა. აქციაში მონაწილეობას მიიღებს მიღებული და გაგზავნილი ფულადი გზავნილები, მოცულობით 300 ერთეული და მეტი, გზავნილის ვალუტის შესაბამისად.
საჩუქრების აქციაში მონაწილეობა, შესაძლებელია "საქართველოს ბანკში" არსებული სწრაფი ფულადი გზავნილების შემდეგი სისტემებით, როგორც მიღებულ, ისე გაგზავნილ გზავნილებზე: Western Union, "Ria "ღია ფულადი გზავნილები", "ელვა",MoneyGram, Contact, Anelik, InterExpress, Unistream და "Быстрая Почта".
"საქართველოს ბანკში" მომხმარებელს ასევე შეუძლია გზავნილების ჩარიცხვა საკუთარ პლასტიკურ ბარათზე ან მიმდინარე ანგარიშზე. ამისთვის, ბანკში დანერგილია ჩარიცხვის მარტივი და მოქნილი სისტემა. გზავნილის ჩარიცხვა შესაძლებელია როგორც სატელეფონო ცენტრის, ისე ბანკომატის საშუალებით. საკმარისია მომხმარებელი ფლობდეს "საქართველოს ბანკის" ნებისმიერი ტიპის პლასტიკურ ბარათს ან მიმდინარე ანაგრიშს ბანკში.