რუსეთის ვაჭრობის მსოფლიო ორგანიზაციაში გაწევრიანების საკითხთან დაკავშირებით რუსულ და ქართულ მხარეებს შორის მორიგი კონსულტაციები გაიმართა. ამის შესახებ საქართველოს საგარეო საქმეთა მინისტრის მოადგილემ ნინო კალანდაძემ ტრადიციულ ბრიფინგზე განაცხადა.
მისი თქმით, მოლაპარაკებები ჟენევაში 8-9 ივლისს შედგა, რომელშიც ქართულ მხარეს სტრადიციულად პრემიერ-მინისრტის მრჩეველი თამარ კოვზირიძე და საგარეო საქმეთა მინისტრის მოადგილე სერგი კაპანაძე წარმოადგენდნენ. ხოლო რუსულ მხარეს - მაქსიმ მედვედკოვი.
"დეტალებზე საუბრისგან თავს შევიკავებ, მაგრამ შემიძლია გითხრათ, რომ მოლაპარაკებებში საბაჟო ექსპერტებიც იყვნენ ჩართულები. შეხვედრაზე მხარეები მოლაპარაკებების მორიგი რაუნდის გამართვაზეც შეთანხმებდნენ", _ აღნიშნა კალანდაძემ, თუმცა როდის გაიმართება რუსეთ-საქართველოს შორის ვაჭრობის მსოფლიო ორგანიზაციაში გაწევრიანების საკითხთან დაკავშირებით მორიგი კონსულტაციები არ დაუკონკრეტებია.
