"ვისოლ ჯგუფი" სუპერმარკეტი „სმარტის" ქსელის გაფართოებას განაგრძობს და ხვალ, 9 ივლისს 12:00 საათზე ბათუმში ტბელ აბუსერიძის ქუჩაზე ახალი ობიექტის მშენებლობას იწყებს.
ტბელ აბუსერიძის ქუჩის მახლობლად მდებარე სავაჭრო ცენტი 6500 კვადატულ მეტრზე იქნება განთავსებული და ულტრათანამედროვე სამშენებლო მასალებითა და ტექნოლოგიებით აშენდება.
მაღალტექნოლოგიურ სავაჭრო ცენტრში სუპერმარკეტი „სმარტის" გარდა სხვადასხვა სავაჭრო ობიექტები განთავსდება. ყოველდღიური მოხმარების პროდუქტების ფართო არჩევანი და ზომიერი ფასები სუპერმარკეტში, გერმანული საცხობი, ინტერნეტ (WIFI) ზონა, აფთიაქი, ბანკის ფილიალი, სხვადასხვა ტიპის მაღაზიები,ბავშვთა კუთხე მომხმარებელს სრულ კომფორტს შეუქმნის.
აღნიშნული ობიექტის მშენებლობაში რამდენიმე მილიონი ლარის ინვესტიცია განხორციელდება. სამშენებლო სამუშაოებში ვისოლ ჯგუფის შვილობილი სამშენებლო კომპანია „დელტას" გარდა უცხოელი კონსულტანტებიც მიიღებენ მონაწილეობას. სმარტის მშენებლობას ბათუმში ქალაქ ბათუმის მერი რობერტ ჩხაიძე და ხელისუფლების სხვა წარმომადგენლები დაესწრებიან.
ვისოლ ჯგუფმა ახალი მიმართულების განვითარება 2010 წლის დეკემბერში დაიწყო და „სმარტის" პირველი სუპერმარკეტი აღმაშენებლის ხეივნის მე-13 კილომეტრზე ვისოლის ავტოგასამართ სადგურთან გახსნა.