ილია მეორე ბრძანებს, რომ აფხაზეთის ეკლესიაში ამჟამად მიმდინარე განხეთქილება იმის ბრალია, რომ იქ ცხუმ-აფხაზეთის ეპარქიის მმართველი არ იმყოფება. ეს განცხადება სრულიად საქარველოს კათალიკოს-პატრიარქმა, მცხეთა-თბილისი მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, მისმა უწმინდესობამ ილია II რადიოსადგურ "ეხო მოსკვი"-სათვის მოცემულ ინტერვიუში გააკეთა.
"იქ განხეთქილება მართლაც არის. ჩვენ ყველანაირი განხეთქილების წინააღმდეგნი ვართ. ყოველივე ეს შედეგია იმისა, რომ იქ ცხუმ-აფხაზეთის ეპარქიის მმართველი არ იმყოფება. ამ შემთხვებაში წმინდა სინოდმა ცხუმ-აფხაზეთის ეპარქიის მართვა მე ჩამაბარა. მე 11 წლის განმავლობაში ვიყავი მიტროპოლიტი და ამიტომ ძალიან კარგად ვიცნობ იქაურ მოსახლეობას ისტორიასა და ხალხს", _ ბრძანებს პატრიარქი და დასძენს რომ საქართველოსა და აფხაზეთს შორის არსებული ომის დროს აფხაზების ქცევის მიზეზად "მათ ამისათვის მომზადებას" ასახელებს.
"ისინი ამისათვის მოამზადეს. აფხაზები ძალიან კეთილები არიან. მე რამდენიმე ნათლული მყავს. ჩვენ 11 წლის განმავლობაში ვცხოვრობდით ერთად ყოველგვარი კონფლიქტის გარეშე. შემდეგ უკვე ეს ყოველდღიური ანტიქართული პროპაგანდა წავიდა, რომელმაც თავისი ბოროტი საქმე გააკეთა.
მინდა ვთქვა, რომ საქართველოში ძალიან უყვართ აფხაზები, ოსები, რუსები და ყველა სხვა. და როდესაც იქ ვიღაც ავად არის იგი თბილისში ჩამოყავთ და ეხმარებიან. ჩემთან ძალიან ხშირად მოდიან მასწავლებლები და მოსწავლეები აფხაზეთიდან. ისინი როგორღაც გადმოდიან ხელოვნურ საზღვარს და ჩვენთან კურთხევის მისაღებად მოდიან", _ ბრძანებს პატრიარქი.
მისი უწმინდესობა ასევე აღნიშნავს, რომ კონფლიქტში მსხვერპლი სამი მხრიდან იყო - "იქ დაიღუპნენ ქართველები, რუსები და აფხაზები.
"იქ დაიღუპნენ ქართველები, რუსები და აფხაზები და როდესაც სიმშვიდე დაისადგურებს უნდა ავაშენოთ მემორიალი, სადაც დაწერილი იქნება ყველა დაღულის სახელი და გვარი: რუსების, ქართველები, აფხაზებისა და ოსების. ჩვენ ამაზე უკვე ვფიქრობთ", _ ბრძანებს პატრიარქი.