დღეს, 8 ივლისს, 20:00 საათზე, „ექსპო ჯორჯიას" საგამოფენო ცენტრი მსოფლიო დონის საავტომობილო ბრენდების უახლესი, 2011 წლის მოდელების პრეზენტაციას უმასპინძლებს.
ღონისძიება იბერია ბიზნეს ჯგუფისა და თიბისი პრაიმ ქარდის ერთობლივი პროექტია. მოწვეულ სტუმრებს საშუალება ექნებათ, პირველებმა იხილონ Audi A5 Sportback S line-ის უახლესი მოდელი.
იბერია ბიზნეს ჯგუფის მენეჯმენტის ცნობით, Audi A5 Sportback-ის გარდა, სტუმრებისთვის პირველად საქართველოში წარდგენილი იქნება მრავალი მსოფლიო დონის ავტომწარმოებლის უახლესი მოდელები, რომლებსაც ახალი უკრაინული სამოდელო სააგენტო „ნიკიტა მოდელსის" სპეციალურად უკრაინიდან ჩამოსული მოდელები წარადგენენ.
„სწორედ ამ ღონისძიებაზე წარვადგენთ ისეთი ბრენდების უახლეს მოდელებს, როგორებიცაა Infiniti QX56, Nissan Micra, Kia Cadenza, Audi Q5 S-line, Mitsubishi ASX საღმოს მთავარი პრემიერა კი Audi A5 Sportback S-line-ის წარდგენა იქნება. პრეზენტაციაზე წარმოდგენილი მაქანების ფასი 15 000 აშშ დოლარიდან დაიწყება, ხოლო ყველაზე ძვირადღირებული ავტომობილის ფასი - 95 000 აშშ დოლარია. გარდა პრეზენტაციისა, სტუმრებისთვის განუმეორებელი სანახაობაც გვაქვს მომზადებული. მათ თვალწინ საოცარი ილოზიონისტური ტრუკი შესრულდება", - აცხადებენ იბერია ბიზნეს ჯგუფში.
ღონისძიებაზე თიბისი ბანკისა და იბერია ბიზნეს ჯგუფის ახალი, ერთობლივი პროდუქტის წარდგენაც მოხდება, რომლის წყალობით ყველა მსურველს მისთვის სასურველი ავტომობილის შეძენა განსაკუთრებული პირობებით შეეძლება.
„უკვე პრეზენტაციის მომენტში ყველა მსურველს შეეძლება თიბისი ბანკისა და იბერია ბიზნეს ჯგუფის განსაკუთრებული პირობების საშუალებით შეარჩიოს და შეიძინოს მისთვის საოცნებო მანქანა. მოწვეული სტუმრებისთვის ადგილზე იქნებიან მობილიზებული საკრედიტო ოფიცრები, რომლებიც მათთვის განაცხადს სიამოვნებით შეავსებენ. პრეზენტაციის დღიდან კი ყველა ჩვენს ფილიალში განსაკუთრებული პირობები ყველა მსურველს შეეთავაზება", -აცხადებენ თიბისი ბანკში.
იბერია ბიზნეს ჯგუფის მენეჯმენტის ცნობით, თიბისი ბანკთან ერთობლივი პროექტის საშუალებით შესაძლებელი გახდა მომხმარებელმა განვადება საუკეთესო პირობებით და ყველაზე დაბალი საპროცენტო განაკვეთით მიიღოს.