"დღეს ხელვაჩაურში ახალი ჩაის ფაბრიკის ამოქმედებით ჩვენ კიდევ უფრო ვუახლოვდებით მიზანს, რაც არის აჭარაში ახალი სამუშაო ადგილების შექმნა, წარმოების გაფართოება და ჩაის კულტურის აღორძინება. კომპანიის მიერ დაბაში გარემონტდა საავადმყოფო და ამ სფეროში იგი კვლავაც გეგმავს ინვესტიციების ჩადებას", - განაცხადა აჭარის მთავრობის თავმჯდომარემ, ლევან ვარშალომიძემ ხელვაჩაურში ვიზიტისას.

აჭარის მთავრობის ინფორმაციით, თანამედროვე ტექნიკით აღჭურვილ ფაბრიკაში 10 თანამშრომელი მუშაობს. წელს კომპანია 100 ტონა ჩაის გადამუშავებას გეგმავს და კილოგრამ ფოთოლში 50 თეთრს იხდის. ნაწარმი ადგილობრივი ბაზრისთვის არის განკუთვნილი. კომპანიის მფლობელობაშია ასევე, მარადიდის ჩაის გადამამუშავებელი ფაბრიკაც.
გარდა ამისა, „ნაზირი და კომპანიის" მიერ გაწეული 357 ათასი ლარის ინვესტიციით დაბა ხელვაჩაურში, კაპიტალურად გარემონტდა მონოპროფილური საავადმყოფო. იგი თანამდეროვე აპარატურითაა აღჭურვილი და თერაპიული, კარდიოლოგიური, რევმატოლოგიური, ნეფროლოგიური და ალერგიული განყოფლებები მოქმედებს.
სამედიცინო დაწესებულება 20-საწოლიანია და პაციენტების ჯანმრთელობაზე 45 თანამშრმელი ზრუნავს. 2 თვეში საავადმყოფოს მომსახურებით უკვე 175 მოქალაქემ ისარგებლა, რაც გასულ წელთან შედარებით 90 პროცენტით მაღალი მაჩვენებელია.