პარლამენტმა "ადმინისტრაციულ სამართალდარღვევათა კოდექსში" შეტანილ ცვლილებები 25 ივნისს მესამე მოსმენით დამტკიცა, რომელსაც პრეზიდენტმა ხელი იმავე დღეს მოაწერა.
"საკანონმდებლო მაცნის" ოფიციალურ ვებ-გვერდზე კანონი 6 ივლისით რიცხვით არის გამოქვეყნებული, შესაბამისად, პარლამენტის მიერ მიღებული გადაწყვეტილებს უკვე ძალაშია.
მიღებული გადაწყევტილების თანახმად, გამიჯვნა მოხდა სურსათის/ცხოველის საკვების მწარმოებელ საწარმოს ან/და დისტრიბუტორის მიერ რეკომენდაციის შეუსრულებლობაზე "არაკრიტიკული" და "კრიტიკული" შეუსაბამობის მიხედვით.
"კრიტიკულ შეუსაბამობაში" იგულისხმება ადამიანის ჯანმრთელობისთვის საშიში ფაქტების აღმოჩენა, ხოლო "არაკრიტიკულ შეუსაბამობის" დროს უფრო ტექნიკური სახის დარღვევებზეა საუბარი, რომელიც ადამიანის ჯანმრთელობისა და სიცოცხლისთვის საფრთხეს არ შეიცვას.
მიღებული გადაწყვეტილების შესაბამისად, "არაკრიტიკული შეუსაბამობა" გამოიწვევს 400 ლარის ოდენობით დაჯარიმებას. იგივე ქმედება, ჩადენილი ხელმეორედ მიცემული გონივრული ვადის გასვლისას, გამოიწვევს დაჯარიმებას 1200 ლარის ოდენობით. "კრიტიკული შეუსაბამობა" კი დაჯარიმებას 1000 ლარის ოდენობით და საწარმოო პროცესის შეჩერებით კრიტიკული შეუსაბამობის გამოსწორებამდე.
ამასთან, თუ სურსათის ეროვნულ სააგენტოს უფლებამოსილ პირთან თანამშრომლობაზე უარის თქმა ან უფლებამოსილების შესრულების პროცესში მისთვის ხელის სხვაგვარად შეშლა მოხდა, ეს გამოიწვევს დაჯარიმებას 400 ლარის ოდენობით.
