საქართველოს ბაზარზე ყველაზე დინამიურად მზარდი მობილური ოპერატორი ბილაინი თავის აბონენტებს გინესის წიგნში მოხვედრის შანსს აძლევს.
16 ივლისს, თბილისში ლოკომოტივის სტადიონზე, ბილაინის ორგანიზებით, მოეწყობა ყველაზე დიდი მობილურის ფორმის ცოცხალი ჯაჭვი , რომელიც ბილაინის ფერებში, შავსა და ყვითელში იქნება გადაწყვეტილი.
ჯაჭვის აწყობაში მონაწილეობის მიღება შეუძლია ნებისმერ მსურველს, ვინც 7 ივლისიდან 15 ივლისის ჩათვლით დარეგისტრირდება ბილაინის ფეისბუქის გვერდზე. გინესის რეკორდის მონაწილეები საჩუქრად მიიღებენ მაისურებს, და სალაპარაკო დროს ბილაინისგან . რეკორდში მონაწილეობის მიღება 18 წლიდან არის შესაძლებელი.
წინა რეკორდი, რომლის გაუმჯობესებას ბილაინის წარმომადგენლები შეეცდებიან სამხრეთ აფრიკაში 2007 წელს, ერთ-ერთი სახანძრო განყოფილების წარმომადგენლებმა დაამყარეს. რეკორდში სულ 105 ადამიანი მონაწილეობდა.
" ის ფაქტი, რომ ნებისმიერი ჩვენი აბონენტი მიიღებს შანს, მოხვდეს გინესის წიგნში, ვთვლით რომ ძალიან სახალისო თავგადასავალია ზაფხულის ერთ მშვენიერ შაბათს. ბილაინის დაფარვის ზონა ფართოვდება, ასევე იზრდება ჩვენი აბონენტების რიცხვი, შესაბამისად, გვინდა, რომ ამ აქციით ყველას დავანახოთ, ჩვენი კომპანიის დინამიური ზრდა. " თეონა ბაღდავაძე, საზოგადოებასთან ურთიერთობის მენეჯერი.